SAMBO PREYKORB will be world heritage
បន្ទាប់ពីក្រសួងវប្បធម៌កំពុងរៀបចំបំពេញលក្ខខ័ណ្ឌដែលតម្រូវដោយ អង្គការយូនេស្កូដើម្បីស្នើដាក់បញ្ចូលប្រាសាទសំបូរព្រៃគុកជា សម្បត្តិបេតិកភណ្ឌពិភពលោក។ក្រៅពីប្រាសាទនេះក្រសួងវប្បធ៌មនៅ មានគម្រោងស្នើប្រាសាទបុរាណមួយចំនួនទៀតដូចជាប្រាសាទបន្ទាយឆ្មារ ប្រាសាទនគរបាជ័យនិងអតីតរាជធានីឧត្តុង្គ។
លោកគង់ប៉ូលីនប្រធាននាយកដ្ឋានបុរាណវត្ថុនៃក្រសួងវប្បធម៏បាន ថ្លែងឲ្យដឹងនៅថ្ងៃនេះថាក្រសួងវប្បធម៏បានរៀបចំបញ្ជីប្រាសាទ បុរាណមួយចំនួនដើម្បីស្នើទៅអង្គការយូនេស្កូដាក់បញ្ចូលប្រាសាទ បុរាណទាំងនេះចូលទៅក្នុងបញ្ជីបេតិកភណ្ឌពិភពលោក។ប្រាសាទទាំងនោះ រួមមានប្រាសាទសំបូរព្រៃគុកកសាងក្នុងសតវត្សទី៧ក្នុងទឹកដីខេត្ត កំពង់ធំប្រាសាទបន្ទាយឆ្មារក្នុងខេត្តបន្ទាយមានជ័យប្រាសាទនគរបាជ័យ ក្នុងខេត្តកំពង់ចាម និងអតីតរាជធានីឧត្តុង្គនៃសម័យចេនឡាក្នុងខេត្តកំពង់ស្ពឺ។លោកគង់ ប៉ូលីនបានបញ្ជាក់បន្ថែមថាសព្វថ្ងៃក្រសួងវប្បធម៍កំពុងដំណើរការរៀប ចំឯកសារសម្រាប់ការស្នើសុំប្រាសាទសំបូរព្រៃគុកដែលអង្គការ យូនេស្កូបានតម្រូវឲ្យមានឯកសារស្រាវជ្រាវគ្រប់គ្រាន់និងធ្វើយ៉ាង ណាឲ្យមានការផ្សព្វផ្សាយដឹងឮទទួលស្គាល់ពីប្រជាជននៅក្នុងប្រទេស ជាមុនសិន។បើតាមការអះអាងរបស់ប្រធាននាយកដ្ឋានបុរាណវត្ថុលក្ខខ័ណ្ឌ ទាំង២នេះនៅមិនទាន់ត្រូវបានបំពេញគ្រប់ជ្រុងជ្រោយនៅឡើយទេ។
បញ្ហាសំខាន់គឺក្រសួងពុំមានលទ្ធភាពគ្រប់គ្រាន់ផ្នែកថវិកាដើម្បី ធ្វើការងារទាំងអស់នេះ។លោកគង់ប៉ូលីនមិនអាចសន្មតថានៅពេលណាទើប ការរៀបចំឯកសារអាចនឹងត្រូវបញ្ចប់ដើម្បីស្នើសុំជាផ្លូវការទៅ អង្គការយូនេស្កូនោះឡើយ។សូមបញ្ជាក់ថាប្រធានក្រុមប្រឹក្សាប្រតិបត្តិ នៃអង្គការយូនេស្កូទើបបានបញ្ចប់ដំណើរទស្សនកិច្ចពេញមួយសប្តាហ៍នៅ កម្ពុជាដើម្បីទស្សនាសម្បត្តិបេតិកភណ្ឌរបស់មនុស្សជាតិចំនួន២របស់ កម្ពុជាគឺប្រាសាទអង្គវត្តនិងប្រាសាទព្រះវិហារ។តំណាងអង្គការ យូនេស្កូក៏បានទៅទស្សនាផងដែរប្រាសាទបេងមាលាប្រាសាទកោះកេរនិង បន្ទាយសត្វស្លាបនៅបឹងទន្លេសាប។លោកផៃស៊ីផានរដ្ឋលេខាធិការនិងជា អ្នកនាំពាក្យរបស់ទីស្តីការគណរដ្ឋមន្ត្រីបានថ្លែងឲ្យដឹងថាតំ ណាងអង្គការយូនេស្កូបានជម្រុញនិងលើកទឹកចិត្តដល់រដ្ឋាភិបាលកម្ពុជា ក្នុងការរៀបចំស្នើដាក់បញ្ចូលប្រាសាទបុរាណខ្មែរជាច្រើនទៅក្នុង បញ្ជីបេតិកភណ្ឌពិភពលោកបន្ទាប់ពីលោកបានឃើញតម្លៃផ្នែកវប្បធម៏នៃ ប្រាសាទខ្មែរទាំងនោះ៕
អត្ថបទដកស្រងពីគេហទំព័រ Radio France International